Muigizaji nyota John Ashton amefariki akiwa na miaka 76

• COLORADO: MUIGIZAJI John Ashton aliyekuwa akijulikana zaidi kwa jina la Detective Sajenti John Taggart amefariki dunia baada ya kuugua saratani kwa muda.

Mtandao wa TMZ ulieleza kwamba muigizaji huyo alifariki akiwa na miaka 76 na alikuwa akifahamika kwa jina la Detective Sajenti John Taggart kutokana na filamu ya mbili alizocheza ikiwemo mfululizo wa ‘Beverly Hills Cop’ na Eddie Murphy.

Mwakilishi wa muigizaji huyo jana jioni ndiyo alitoa taarifa ya kifo cha muigizaji huyo kwamba alifariki Septemba 26 akiwa nyumbani kwake na alikufa kwa amani akiwa nyumbani kwake huko Ft. Collins, Colorado.

John alizaliwa huko Springfield, Massachusetts na baada ya sekondari, Chuo Kikuu alisoma Southern California Shule ya Sanaa na alipohitimu aliigiza katika filamu ya kutisha ya ‘The Psychopath’ kabla ya kutengeneza filamu yake ya kwanza kama Sgt. Matthews 1973.

Filamu nyingine alizocheza ni ‘Honky Tonk Freeway’ na ‘Adventures of Buckaroo Banzai Across the 8th Dimension’ mwanzoni mwa miaka ya 1980 kabla ya ‘franchise buddy cop’ ya mwaka 1984 na katika muendelezo wake mwaka 1987, alionekana pamoja na Robert De Niro katika ‘Midnight Run’ na kisha akaigiza kama mkurugenzi wa Marekani katika filamu ya kuchekesha ya Kifaransa ‘I Want to Go Home’.

Katika miaka ya hivi majuzi, ameigiza katika filamu ya ‘Gone Baby Gone’ ya 2007 na mwaka 2016 alitumia jina la ‘Uncle John’ kabla ya kurudi kwenye nafasi yake kama Taggart katika ‘Beverly Hills Cop: Axel F’ mapema mwaka huu.

Wakati wa kifo chake, alikuwa amekamilisha kazi ya ‘Hot Bath an’ a Stiff Drink 2′ ijayo na ‘Hot Bath, Stiff Drink, an’ Close Shave’.

Nyota huyo wa Hollywood pia alikuwa amejitokeza mara kadhaa kwenye televisheni katika kipindi chote cha uchezaji wake wa miaka 50, hasa akiigiza katika majukumu ya kawaida ya ‘Hardball’ na Dallas’ na kucheza baba wa mhasiriwa wa utekaji nyara katika wasifu wa ‘I Know My First Name Is. Steven’.

Baadhi ya maonyesho yake ya mwisho kwenye runinga yalikuwa katika ‘Law Order: Special Victims Unit’ ya mwaka wa 2009 na ‘The Finder’ 2012.

Akiwa mbali na Hollywood, John alifunga ndoa na Victoria Marie Runn mnamo 1968 lakini walitalikiana miaka miwili baadaye na kisha akaolewa na Bridget Baker-Ashton kuanzia 1976 hadi 2001 na anamtoto mmoja kwa kila ndoa yake.