Miaka miwili yawatosha Kanye West, Bianca Censori kutengana
NEW YORK: RAPA na mtayarishaji wa muziki nchini Marekani Kanye West na mwanamitindo Bianca Censori wanaripotiwa kuelekea kwenye talaka ya kuachana baada ya kudumu katika ndoa kwa miaka miwili tu.
Wanandoa hao, ambao walibadilishana viapo vya ndoa mnamo Desemba 2022 mwezi mmoja tu baada ya talaka ya Kanye West kutoka kwa Kim Kardashian kukamilishwa.
Jarida la TMZ jana liliripoti kwamba mwanzilishi wa Yeezy na mpenzi wake mwanamitindo wamekuwa wakiwaambia watu wao wa ndani kwamba waliachana wiki chache zilizopita, huku West akiwajulisha marafiki zake kwamba ana mpango wa kuachana na Censori na kuishi Tokyo.
Sababu za kuachana kwao bado haijajulikana, huku mgawanyiko wa uvumi wa wanandoa hao ukiripotiwa unamfanya Censori aelekee kwenye nchi yake ya asili ya Australia ili akatumie muda wake mwingi na familia yake Pamoja na marafiki huku West, akitumia muda mwingi katika jiji la Tokyo, ambapo ameonekana akinunua na kuchunguza migahawa.
Kulingana na rapa huyo mwenye miaka 47, alionekana kwenye mgahawa wa Kijamaika katika mji mkuu wa Japan wiki iliyopita. Inasemekana kwamba alipenda chakula cha huko na alitembelea mgahawa huo mara mbili kwa siku moja na hata kutia sahihi moja ya kuta zake.
West pia alifurahia tukio la mieleka la ‘Pro Wrestling Noah’ huko Tokyo mnamo Septemba 30.
Mara ya mwisho kuonekana na mkewe ilikuwa wiki moja na nusu kabla ya hapo. Mnamo Septemba 19, kwa maduka mbalimbali ya Marekani, Paparazzi aliwakamata wawili hao wakiwasili kwenye duka kubwa la Tokyo wakiwa na watoto wawili kati ya wanne wanaoishi na Kim Kardashian.
