Harmonize amkumbuka Posh Queen baada ya kuachana
DAR ES SALAAM: STAA wa filamu Bongo, Rajab Abdul, maarufu kwa jina la Harmonize ni wazi anapambana na upweke baada ya kuachana na mpenzi wake, Poshy Queen.
Konde Boy na Poshy waliripotiwa kuachana wiki moja iliyopita baada ya migogoro katika uhusiano wao.
Katika taarifa za hivi karibuni kwenye mtandao wa Snapchat, bosi huyo wa Konde Music Worldwide alikiri kwamba anamkumbuka sana Poshy Queen na kusema amechoka upweke.
“Nimechoka kujifanya. Nimekumiss Bombo claa,” Harmonize alisema huku akisindikiza kauli yake yenye picha ya mrembo huyo na emoji za huzuni kueleza hisia zake.
Mapema wiki iliyopita, Konde Boy na Poshy Queen waliripotiwa kutokuwa na uhusiano wao kuyumba. Mastaa hao wamechumbiana kwa miezi kadhaa, huku wakiacha kufuatiana kwenye kurasa zao za Instagram.
Chanzo hasa cha matukio ya hivi karibuni bado hakijajulikana kwa umma, lakini kumekuwa na madai ambayo hayajaripotiwa kutoka Tanzania kuwa bosi huyo wa Kondegang alikasirishwa na mpenzi wake huyo kuonekana na mwanaume mwingine.
“Kuna mwanaume mmoja alimmwagia Poshy Champagne huku Harmonize akicheza muziki, wakawa wanapiga vibibi pale pale, hiyo ilipelekea maneno mengine ambayo Harmonize hakuyapenda, akauliza kwanini mwanaume huyo anammwagia Shampeni. wakakasirika, na kusababisha mabishano na kusukumana, kisha wakaondoka pamoja,” ilieleza taarifa za watu wa karibu.
