Gueye, Mngqithi wazoa tuzo Agosti

DAR ES SALAAM: KIUNGO mshambuliaji wa Simba, Libasse Gueye, amechaguliwa kuwa Mchezaji Bora wa mwezi Agosti wa Ligi Kuu msimu wa 2026/27, huku Kocha Mkuu wa Yanga, Manqoba Mngqithi, akitwaa tuzo ya Kocha Bora wa mwezi huo.

Gueye amepata tuzo hiyo baada ya kuonesha kiwango kizuri na cha mwendelezo katika michezo mitano ambayo Simba ilicheza mwezi Agosti na kushinda yote.

Katika mchakato huo, Gueye amewashinda Maxi Nzengeli wa Yanga na Oscar Mwajanga wa Mbeya City, ambao waliingia naye katika hatua ya mwisho ya kuwania tuzo hiyo.

Gueye alitoa mchango mkubwa kwa Simba katika michezo hiyo mitano, akifunga bao moja na kuhusika katika mabao mengine matano yaliyofungwa na timu yake.

Kwa upande wa Mngqithi, ameshinda tuzo hiyo baada ya kuiwezesha Yanga kushinda michezo yote mitano iliyocheza mwezi Agosti na kuendelea kuwa kileleni mwa msimamo wa ligi.

Mngqithi aliingia katika hatua ya mwisho ya kuwania tuzo hiyo pamoja na Steve Barker wa Simba na Florent Ibenge wa Azam.