Ronaldo ruhusa kuitumikia Ureno

LISBON: KOCHA wa timu ya taifa ya Ureno, Jorge Jesus, amesema mchezaji Cristiano Ronaldo anaweza kurejea kwenye kikosi cha timu hiyo endapo atataka, licha ya kuondoka kambini baada ya kutofurahishwa na uamuzi wa kutocheza kwenye kikosi cha kwanza.

Jesus amesema Ronaldo bado ana nafasi ya kuitwa kwenye kikosi kijacho iwapo ataendelea kucheza katika klabu yake ya Al-Nassr, akisisitiza kuwa uamuzi wa kurejea utakuwa mikononi mwa nyota huyo.

Kauli hiyo imekuja baada ya Ureno kuifunga Norway na kufuzu hatua ya robo fainali ya UEFA Nations League, bila Ronaldo ambaye alikosekana kwenye mchezo huo.

Jesus amesema yuko tayari kuzungumza na Ronaldo kabla ya mechi zijazo za mwezi Novemba, kama mchezaji huyo ataamua kufanya hivyo.

‘Cris ndiye atakayeamua,’ Jesus amesema, akieleza kuwa bado anamuhitaji Ronaldo ndani ya timu hiyo, iwe anacheza au la.

Ronaldo mwenye miaka 41 ndiye mfungaji bora wa muda wote wa Portugal na mchezaji mwenye mechi nyingi zaidi, baada ya kuitumikia timu hiyo kwa zaidi ya miaka 20.

Nyota huyo wa zamani wa Real Madrid na Manchester United alicheza mechi yake ya kwanza Portugal mwaka 2003 akiwa na miaka 18 na tayari amesema mwaka huu huenda ukawa wa mwisho kwake katika soka.

Ronaldo pia ameshiriki katika Kombe la Dunia mara sita, huku akiwa mmoja wa wachezaji muhimu zaidi katika historia ya timu ya taifa ya Portugal.