Kinda Hispania aweka rekodi 

KIJANA Lamine Yamal kutoka klabu ya Barcelona amekuwa mchezaji mwenye umri mdogo zaidi kufunga bao akiwa na timu ya taifa ya Hispania katika ushindi wa mabao 7-1 kufuzu mashindano ya Euro 2024 dhidi ya Georgia jana.
–
Yamal, mwenye umri wa miaka 16 na siku 57 alifunga dakika ya 74 baada ya kuingia kuchukua nafasi ya Dani Olmo kabla ya mapumziko.
–
Alvaro Morata alifunga hat-trick huku Solomon Kvirkvelia akijifunga na mabao ya Olmo na Nico Williams yakikamilisha ushindi huo.
–
Yamal ameweka rekodi ya mchezaji mdogo zaidi iliyowekwa na Gavi, ambaye alikuwa na umri wa miaka 17 na siku 62 alipocheza kwa mara ya kwanza Hispania mnamo 2021.