Vittoria Ceretti: Kutambulishwa kama mpenzi wa Leonardo DiCaprio ‘kunaudhi sana’
NEW YORK: MPENZI wa Leonardo DiCaprio, ambaye ni mwanamitindo Vittoria Ceretti, amefunguka kwa nini anachukia kuitwa ‘mpenzi wa’ Leonardo DiCaprio.
Akizungumza na Vogue France, Vittoria alitoa maoni adimu kuhusu uhusiano wao tangu wawili hao waanze kuchumbiana karibu miaka miwili iliyopita.
Vittoria alisema kutaja kama ‘rafiki wa kike wa mtu’ ni ‘kuudhi sana’. Amesema, “Mara tu unapoingia kwenye uhusiano na mtu ambaye ana wafuasi wengi kuliko wewe, unakuwa ‘mpenzi wa’, inaudhi sana. Ghafla, watu wanakuzungumzia kama rafiki wa kike wa fulani ambaye alikuwa mpenzi wa zamani wa fulani.”
“Kwa hiyo haipendezi kufikiria kuwa huwezi kumpenda mtu unayemtaka kwa sababu ya lebo ambazo watu wanahitaji kukushikilia… Ikiwa kile unachokutana nacho ni kweli, ukijua mnapendana, hakuna sababu ya kuogopa. Kwa sababu mapenzi yanalinda na yanaleta ujasiri,” ameeleza.
Vittoria pia alisema kwamba yeye na Leonardo walikutana huko Milan, na walianzisha uhusiano wao rasmi wa kimapenzi Agosti 2023. Katika kipindi cha mapenzi yao, walionekana wakifanya mapumziko huko St. Barts.
Pia walionekana wakisafiri kwa meli kwenye pwani ya Sardinia. Mwaka jana, walifurahia chakula cha jioni na marafiki huko Giorgio Baldi, Santa Monica. Vittoria na Leonardo waliunganishwa kwa mara ya kwanza mapema mwaka huu huko Santa Barbara, ambapo wawili hao walihamishwa kwa ndege ya kibinafsi kutoka Los Angeles kulikokuwa na hatari ya moto wa nyika.
Kabla ya Vittoria, Leonardo DiCaprio alihusishwa kimapenzi na wanawake mbalimbali, akiwemo mwanamitindo Gigi Hadid kati ya Septemba 2022 na Februari 2023.
