NEW YORK: RAPA Sean ‘Diddy’ Combs mwenye umri wa miaka 54, amewasilisha rufaa ya kuachiliwa kwa bondi ya dola milioni 50 ambapo aliomba aachiwe kuzuiliwa kwenye kisiwa cha kibinafsi kabla ya kesi yake kusikilizwa lakini rufaa hiyo ya tatu imekataliwa na mahakama ya New York.
Ombi la hivi punde la dhamana la Combs limekataliwa baada ya kusikilizwa kwa kesi Jumatano Novemba 27, 2024 iliyoongozwa na hakimu wa shirikisho Arun Subramanian kushikiliwa kufuatia ombi la dhamana lililozinduliwa na mwigizaji huyo wakati wa kufikishwa mahakamani 22 Novemba, 2024.
Jaji huyo alisema wakati akikataa ombi la Combs: “Mahakama imeona kwamba serikali imeonyesha kwa ushahidi wazi na wa kusadikisha kwamba hakuna sharti au mchanganyiko wa masharti ambayo itahakikisha usalama wa mtuhumiwa kwa jamii.”
Waendesha mashitaka wamedai kuwa Combs angeweza kuharibu mashahidi ikiwa angeachiliwa, kwa madai kwamba mwanzilishi wa Bad Boy Records amejaribu kuwatisha mashahidi akiwa gerezani.
Walidai katika korti wakiwasilisha lengo la mshtakiwa ni kuwakashifu waathiriwa na mashahidi ama wanyamaze au kutoa ushuhuda wa kusaidia utetezi wake.
Timu ya utetezi ya Combs imedai kesi ya mwendesha mashitaka ilikuwa ‘nyembamba’ na wamependekeza kifurushi cha dhamana cha dola milioni 50 na masharti madhubuti ya kutolewa ambayo yangepunguza uwezo wa Combs kuwasiliana na wengine zaidi ya mawakili wake na ingehitaji ufuatiliaji wa mara kwa mara.
Licha ya Combs kukanusha mashtaka yote dhidi yake bado kukataliwa kwake kumekuja baada ya Combs kupigwa na shutuma ya kudhulumu wafanyikazi wake.
Waendesha mashtaka wamesema katika barua ya kuwahukumu wafanyikazi wa Subramani huku wakieleza kwamba mshtakiwa ametishia kuwaua na kuwarushia vitu pamoja na kuwapiga ngumi.
