Kocha amlinda Ronaldo baada ya kipigo cha 4–0
AL AIN: Kipigo kizito cha mabao 4–0 dhidi ya Al Ain kimeendelea kuibua maswali ndani ya Al-Nassr, lakini kocha Ange Postecoglou amesimama kumtetea nahodha wake Cristiano Ronaldo baada ya kuhojiwa kuhusu mchango wa nyota huyo kwenye timu.
Al-Nassr ilianza vibaya kampeni yake ya AFC Champions League Elite baada ya kukubali kipigo hicho kutoka kwa Al Ain katika mchezo huo nchini Falme za Kiarabu. Matokeo hayo yameongeza presha kwenye kikosi cha Ronaldo baada ya kushindwa kupata hata bao moja.
Baada ya mchezo huo, mwandishi mmoja alimuuliza Postecoglou iwapo uwepo wa Ronaldo unaendelea kuwa na manufaa kwa timu, akirejea pia katika michezo ambayo Al-Nassr ilifanya vizuri wakati Ronaldo hakuwepo.
Swali hilo lilimfanya kocha huyo kuingia katika majibizano makali na mwandishi huyo, huku Postecoglou akimtetea Ronaldo na kuonya dhidi ya kumkosoa mchezaji huyo kwa namna alivyodhani haikuwa ya heshima.
Kocha huyo alichukua jukumu la matokeo ya kipigo hicho, huku akieleza kuwa Ronaldo bado ana nafasi muhimu ndani ya kikosi. Kwa mujibu wa taarifa za baada ya mchezo, kocha huyo alisisitiza pia changamoto ya ratiba yenye michezo mingi katika kipindi kifupi inachangia uchovu kwa wachezaji.
Kwa upande wa uwanjani, Al-Nassr ilishindwa kupata jibu dhidi ya Al Ain, ambao walitawala na kufunga mabao manne kupitia Houssine Rahimi, Soufiane Rahimi na Giakoumakis, na kuifanya timu ya Ronaldo kuanza vibaya safari yake katika mashindano hayo ya bara Asia.
Kipigo hicho kimeifanya Al-Nassr kuingia kwenye mjadala mkubwa kuhusu kiwango cha timu na mchango wa nyota wake, huku Postecoglou akisisitiza kwamba lawama za matokeo hayo hazipaswi kuelekezwa kwa Ronaldo pekee.
