Kwingineko
Hakuna aliyewahi kufanya hivi kwenye Kombe la Dunia
KYLIAN Mbappé ameendelea kuonesha kwa nini anatajwa kuwa mmoja wa wachezaji bora duniani baada ya kuweka rekodi mpya katika historia ya Kombe la Dunia.
Mshambuliaji huyo wa Ufaransa sasa ndiye mchezaji aliyefunga mabao mengi zaidi katika hatua za mtoano za Kombe la Dunia, akiwa na mabao 9, rekodi iliyomfanya kuwazidi magwiji wa Brazil, Ronaldo Nazário na Leônidas, waliokuwa na mabao 8 kila mmoja.
Mbappé pia amefikisha jumla ya mabao 18 katika historia ya Kombe la Dunia, akimpita Mjerumani Miroslav Klose. Kwa sasa amebakiwa na bao moja pekee ili kumfikia Lionel Messi, ambaye bado anaongoza orodha hiyo.
Kiwango chake kwenye Kombe la Dunia 2026 kimekuwa cha kipekee. Ndani ya mechi nne pekee tayari amefunga mabao sita na kutoa pasi 2 za mabao, akiwa amehusika moja kwa moja kwenye mabao nane ya Ufaransa.
Mbali na rekodi hizo, Mbappé pia ameandika historia kwa kuwa mchezaji aliyefunga mechi nyingi zaidi zenye mabao mawili au zaidi katika historia ya Kombe la Dunia, jambo linaloonesha uwezo wake mkubwa wa kuamua mechi muhimu.
Akiwa bado ana miaka ya kucheza mbele yake, nyota huyo wa Ufaransa ana nafasi kubwa ya kuendelea kuvunja rekodi nyingi zaidi na kujiweka mbali zaidi katika historia ya mashindano hayo makubwa duniani.
#spotileo #spotileoupdates #mbappe #france
