Ligi Daraja La Kwanza

Aucho nje ya kikosi cha Yanga wiki tatu

DAR ES SALAAM: KIUNGO wa Klabu ya Yanga, Khalid Aucho, atakosekana uwanjani kwa muda wa wiki tatu kufuatia jeraha la nyama za paja alilolipata katika mchezo dhidi ya Coastal Union.

Katika mchezo huo uliochezwa kwenye Uwanja wa KMC Complex uliopo Mwenge, Dar es Salaam, Aucho alilazimika kutoka kabla ya dakika 90 kutokana na maumivu aliyoyapata wakati wa mchezo.

Amethibitisha hali hiyo, Msemaji wa Yanga, Ali Kamwe, amesema daktari wa timu hiyo, Mosses Etutu, amemfanyia vipimo vya awali na kugundua kuwa mchezaji huyo ana jeraha kwenye misuli ya nyuma ya paja.

“Aucho hatakuwepo katika mchezo wa kesho dhidi ya Azam FC baada ya kugundulika na jeraha la nyama za paja, bado anaendelea kufanyiwa vipimo zaidi ili kubaini ukubwa wa tatizo hilo,” amesema Kamwe.

Kwa sasa, Aucho hatakuwa sehemu ya kikosi cha Yanga kitakachoshuka dimbani katika mchezo huo muhimu dhidi ya Azam FC, utakaofanyika kwenye Uwanja wa Azam Complex uliopo Chamazi, nje kidogo ya jiji la Dar es Salaam.

Related Articles

Back to top button