Nkane aongeza miwili Yanga

DAR ES SALAAM: KLABU ya Yanga imeendelea kuimarisha kikosi chake kuelekea msimu mpya wa Ligi Kuu Tanzania Bara baada ya kutangaza rasmi kuendelea kuwa na huduma ya mchezaji Denis Nkane, ambaye ameongeza mkataba wa miaka miwili kuendelea kusalia Jangwani.

Kupitia taarifa iliyotolewa leo na klabu hiyo yenye maskani yake makuu maeneo ya Jangwani, mchezaji huyo kijana bado anapewa nafasi ya kusaidia timu hiyo msimu ujao, ingawa amekuwa ni miongoni mwa wachezaji wasiopata nafasi katika kikosi cha kwanza.

Hatua hiyo ya kuongeza mikataba kwa wachezaji muhimu inakuja wakati Yanga ikiwa kwenye maandalizi kabambe ya msimu wa 2024/2025, ikilenga kufanya vizuri zaidi kwenye mashindano ya ndani na kimataifa, ikiwemo Ligi ya Mabingwa Afrika.

Yanga imekuwa kwenye harakati za kusuka kikosi bora chini ya benchi la ufundi linaloongozwa na kocha mpya, huku pia ikihusishwa na usajili wa wachezaji wapya sambamba na kuwabakiza nyota waliothibitisha ubora wao.

Mchezaji mwingine aliyeongezewa mkataba hivi karibuni ni Pacome Zouzoua wa Ivory coast.

Pia, ilitangaza usajili wa wachezaji wapya wakiwemo Balla Conte na Offen Chikola na Abdulnassir Mohamed.