Kumbe Kiduku mwoga wa kuchomwa sindano
BONDIA wa Ngumi za kulipwa nchini, Twaha Kasim maarufu “Twaha Kiduku “ amewashauri mabondia wenzake nchini kujenga tabia ya kupima afya zao kwa sababu masumbwi ni kazi inayowaingizia kipato hivyo wanapaswaa kuwa na afya bora siku zote.
Kiduku ameonesha uoga huo wakati akipima afya mkoani Morogoro na kusema kinachomwogopesha sio kupambana na mabondia wenzake bali ni kitendo cha kuchoma sindano.
“Kuchoma sindano daaa ni mtihani sana …ni kitu ninachokiogopa lakini nina mshukuru Mwenyezi Mungu nimepima vizuri na sasa ninawaambia Tanzania kwa ujumla tukutane Mwanza Julai 29, mwaka huu”amesema Twaha Kiduku.
Twaha Kiduku ataingia kuwania mkanda wa ubingwa wa Shirikisho la Ngumi za Kulipwa Duniani (WBF) dhidi ya Asemahle Wellem kutoka Afrika Kusini.
Pambano hilo litatanguliwa na mapambano mengine 18 likiwemo la Karim Said “Mandoga Mtu Kazi” dhidi ya Golola Moses.
Awali Daktari wa Kamisheni wa kusimamia ngumu za kulipwa, Khadija Hamis amesema, sheria inawakata mabondia kabla ya kupanda ulingoni kupimwa afya zao kubaini endapo wana ugonjwa hatarishi na ambukuzi kwa njia ya kushikana ama kwa njia ya damu.
