Wijnaldum avunjika mguu

KIUNGO wa Roma Georginio Wijnaldum amevunjika mguu wake, imesema klabu hiyo ya Serie A.

Hali hiyo inaacha maswali ya ushiriki wake kwenye kikosi cha Uholanzi katika michuano ya Kombe la Dunia iliyopangwa kuanza Qatar miezi mitatu ijayo.

Wijnaldum ambaye yupo Roma kwa mkopo akitokea Paris Saint Germain amevunjika mguu wake wakati wa mazoezi huku ripoti za vyombo vya habari zikisema alikumbana kinda wa Roma Felix Afena-Gyan.

“Kufuatia majeraha aliyoyapata wakati wa mazoezi…Georginio Wijnaldum amefanyiwa vipimo ambavyo vimethibitisha kuvunjika kwa mfupa mkubwa kati ya kifundo na goti la mguu wake wa kulia. Mchezaji huyu atafanyiwa uchunguzi zaidi siku zijazo,” imesema taarifa ya Roma.

Roma haijasema kwa muda gani Wijnaldum atakuwa nje ya uwanja.