The Rock kumuanika Boss wa uhalifu wa Hawaii
NEW YORK: MCHEZA filamu Dwayne Johnson ‘The Rock’ amepanga kuandika kitabu kuhusu bosi pekee wa kundi la watu wa Hawaii anayehusishwa na uhalifu katika eneo hilo.
Kitabu hiki kitaangazia kukua na kuuanguka kwa kundi la uhalifu la Hawaii linaloongozwa na Wilford ‘Nappy’ Pulawa, anayejulikana kama bosi wa kwanza na pekee wa kundi la Hawaii.
The Rock kataika kitabu hicho amechukua jukumu la mwandishi mwenza wa kitabu kisicho na uwongo ambacho kinachunguza kuinuka na kuanguka kwa kundi la uhalifu la Hawaii kutoka miaka ya 1960 na 70.
Dwayne anayejulikana katika mieleka akitumia jina la The Rock na kazi yake kubwa ya utengenezaji wa filamu za mapigano huko Hollywood, sasa anashirikiana na mwanahabari mpelelezi aliyeshinda tuzo Nick Bilton kwenye mradi huo.
“Ninashukuru sana kuwa mwandishi mwenza wa mradi wangu unaofuata (kitabu kisicho na uwongo) na mwanahabari mpelelezi aliyeshinda tuzo, NickBilton. Mimi na Nick tumeshughulikia hili kwa miezi kadhaa sasa, tukiwa na miezi mingi zaidi ya kazi mbele yetu, hii imekuwa tukio la kushangaza na la kutia,” Johnson ameandika katika ukurasa wake wa Instagram.
Kitabu hiki kitaangazia Kampuni ama shirika lenye nguvu na la kuogopwa la uhalifu huko Hawaii. Kwenye usukani wake alikuwa Wilford ‘Nappy’ Pulawa, bosi pekee wa kundi la watu wenye asili ya Hawaii. Hadithi tayari inatengenezwa kuwa filamu ya kipengele inayoongozwa na Martin Scorsese, na filamu ya Bilton na Dwayne.
Waigizaji hao watamkutanisha tena Dwayne na Emily Blunt na pia watamshirikisha Leonardo DiCaprio.
“Hii sio hadithi ya kijambazi tu ni kuhusu nguvu, utambulisho, na kile kilichochukuliwa kutoka kwa watu wa Hawaii,” Dwayne amelezea. “Kilichonivutia kwenye mradi huu ni kuheshimika utamaduni wetu wa Polynesia, na kuheshimu tulikotoka na kushiriki historia isiyoelezeka ya kile kilichotokea katika paradiso,” aliongeza.
Hii inaashiria kurudi kwa hadithi zisizo za uwongo kwa Johnson, ambaye kitabu chake cha kumbukumbu cha The Rock Says cha mwaka wa 2000… kilieleza maisha yake kabla ya umaarufu wake.
