Ronaldo azindua channel yake mpya ya YouTube
URENO: STAA wa timu ya Al-Nassr FC ya Saudi Arabia, Cristiano Ronaldo amezindua channel yake mpya ya YouTube akilenga kuimarisha ushirikiano wake na mashabiki duniani kote kwa kutoa mwonekano wa kina zaidi katika mambo mbalimbali yakiwemo maisha yake ya soka na binafsi.
Kama mtu anayefuatiliwa zaidi kwenye majukwaa mbalimbali ya kijamii, channel yake imefunguliwa tangu Julai 8, 2024. Uwezo wa Ronaldo kwenye mitandao ya kijamii umechangia sehemu kubwa ya hadhi yake kama mwanamichezo anayelipwa pesa nyingi zaidi duniani.
Ronaldo anatawala kwenye Instagram kwa sasa akiwa na wafuasi milioni 636 lakini bado hajachukua nafasi ya kwanza kwenye YouTube, nafasi ambayo kwa sasa inashikiliwa na Mr Beast akiwa na wafuatiliaji milioni 311, Ronaldo kwa sasa ana wafuasi zaidi ya milioni 15.
Katika kituo chake cha YouTube, Ronaldo anapanga kuonyesha maudhui mbalimbali, ikiwa ni pamoja na maarifa kuhusu soka, na pia mada za kibinafsi kama vile maisha ya familia, afya njema, lishe, mafunzo, ahueni, elimu na ubia wa kibiashara.
“Nimefurahi kuleta mradi huu maishani,” Ronaldo alishiriki, kama ilivyonukuliwa na Variety.
“Imekuwa ndoto yangu kwa muda, na sasa tunayo nafasi ya kuifanya ndoto hiyo. Nimekuwa nikifurahia kuungana na mashabiki kwenye mitandao ya kijamii, na kituo hiki kitatoa jukwaa pana zaidi kwa mambo kadhaa.
Watazamaji watapata kujua zaidi kunihusu, familia yangu, na mitazamo yangu kuhusu mada mbalimbali. Pia ninafuraha kuwa mwenyeji wa mazungumzo na ambayo hakika yatawavutia watu.” Ilielezwa.
Katika kazi yake nzuri iliyodumu kwa zaidi ya miongo miwili, Ronaldo amekusanya mataji 33, yakiwemo mataji matano ya UEFA Champions League na tuzo tano za Ballon d’Or.
Hapo awali, TUKO.co.ke iliripoti kwamba mshambuliaji wa zamani wa Manchester United Louis Saha amedokeza uwezekano wa Cristiano Ronaldo kurejea Old Trafford kama meneja wa timu hiyo.
vMchezaji huyo wa zamani wa kimataifa wa Ufaransa anaamini Ronaldo ana uwezo wa kufanya vyema katika nafasi ya umeneja, ingawa atahitaji kurekebisha mtazamo wake ili afanikiwe katika nafasi ya umeneja.
