Mashujaa FC yaachana na watano

KIGOMA: KLABU ya Mashujaa FC ya mkoani Kigoma imetangaza kuachana rasmi na wachezaji wake watano waliokuwa sehemu ya kikosi msimu uliopita wa Ligi Kuu Tanzania Bara.

Kupitia ukurasa wake wa mtandao wa kijamii Mashujaa FC iliwaaga wachezaji hao kwa ujumbe wa heshima na shukrani ikisema:

“Asanteni sana Mashujaa wetu, mmeandika historia kubwa na kuacha alama kwa Watanganyika,”ilisema taarifa hiyo.

Wachezaji walioachwa ni Zuber Dabi, Omary Kindamba, Abrahman Musa, Ally Nassor ‘Ufudu’ na Mohamed Mussa.

Mashujaa FC ilikuwa miongoni mwa timu mpya zilizopanda Ligi Kuu msimu wa 2023/24 na kujizolea sifa kwa kucheza soka la ushindani licha ya changamoto walizokutana nazo.

Kuondoka kwa nyota hao kunatarajiwa kufungua nafasi kwa usajili mpya kuelekea msimu ujao, huku macho ya wengi yakiwa kwa uongozi wa klabu hiyo kuona namna utakavyokijenga kikosi kipya.