John Legend, mkewe kulalia mamilioni
LOS ANGELES: Wanandoa John Legend na Chrissy Teigen wamenunua nyumba mpya katika mtaa wa West Hollywood huko Los Angeles kwa dola milioni 5.1.
Ununuzi wao, ambao ulifanywa wiki iliyopita, uliripotiwa mara ya kwanza mnamo Ijumaa.
Chanzo kinachofahamu mpango huo kilithibitisha kwa Mansion Global kwamba wanandoa hao ndio wanunuzi wa nyumba hiyo.
Nyumba hiyo waliyonunua ilijengwa katika miaka ya 1930, ina ukubwa wa futi za mraba 3,440 iliuzwa kama kito hai cha kisasa, ikichanganya usanifu wa kisasa na vipengele vya asili. Ina bustani zinazoelea zilizo na mifereji ya maji iliyojengewa ndani, sitaha nyingi za nje na matuta yenye zaidi ya futi za mraba 2,000 pamoja na bwawa kubwa.
Nafasi ya ndani imegawanywa katika vyumba vinne vya kulala, mabafu manne, sebule rasmi na vyumba vya kulia na jikoni.
Nyumba hiyo pia ina vifaa vya nyumbani vya smart na futi 50 za Barabara ya mbele ndani ya nyumba hiyo. pamoja, ni hatua mbali na maduka na mikahawa maarufu pia ipo.
Illulian, ambaye aliorodhesha mali hiyo kwa dola milioni 5 mnamo Desemba 2019, hakujibu ombi la maoni hayo.
Legend mwenye miaka 41, mwimbaji na mtayarishaji wa muziki huyo na mkewe Teigen mwenye miaka 34, mwanamitindo na mhusika wa TV, hawakuweza kupatikana mara moja ili kutoa maoni yao.
Hivi majuzi wenzi hao walinunua nyumba Manhattan yao ya pili katika jengo moja. Marshall Peck wa Douglas Elliman, ambaye aliwakilisha wanunuzi katika mpango huo, alikataa kutoa maoni pia.
