Ferguson atua AS Roma, aikacha EPL

BRIGHTON: Klabu ya Brighton and Hove Albion inayoshiriki Ligi kuu ya England imesema Mshambuliaji wake na timu ya Taifa ya Ireland Evan Ferguson amejiunga na klabu ya AS Roma ya Serie A kwa mkopo wa msimu mzima.
Ferguson mwenye miaka 20 aliingia kwenye Ulimwengu wa soka akiwa kijana wa umri wa chini ya miaka 18 akifunga mabao 10 kwa klabu hiyo ya Ligi kuu ya England ya Brighton na kucheza mechi yake ya kwanza ya kimataifa katika msimu wa 2022/23.
Alifunga hat-trick dhidi ya Newcastle akiwa na umri wa miaka 18 lakini maisha yake ya soka yamekwama kutokana na kupoteza kiwango na kuandamwa na majeraha. Kwa jumla ameichezea Brighton mechi 80, akifunga mabao 17, lakini amefunga bao moja pekee katika ngazi ya klabu tangu Novemba 2023.
Ferguson alitumia kipindi cha pili cha kampeni za mwisho kwa mkopo akiwa na West Ham, ambapo alicheza mechi nane, akishindwa kufunga hata bao la kuotea.
“Klabu ya AS Roma tunayo furaha kutangaza kumsajili Evan Ferguson kutoka Brighton and Hove Albion, Ferguson atajiunga na klabu yetu kwa mkopo wa msimu mzima na chaguo la kumnunua moja kwa moja.” imesema taarifa ya AS Roma.




