Mgunda kuteta na Matola

KOCHA wa muda wa Simba Juma Mgunda amesema atazungumza na kocha mwenzake Seleman Matola ili kujua rekodi ya kila mchezaji kabla ya mchezo wa Ligi ya Mabingwa Afrika dhidi ya Nyasa Big Bullets ya Malawi Septemba 10.

Akizungumza na Spotileo kocha huyo aliyekuwa Coastal Union amesema anajua Simba ni klabu kubwa na atajitahidi kutumia uzoefu wake kuhakikisha inaanza vizuri mashindano hayo.

“Rekodi ya Simba kwenye michuano hii inajulikana hivyo mimi nimekuja kuongeza kitu kidogo kwa wachezaji ili timu iendelee pale ilipoishia najua haitakuwa rahisi lakini mashabiki wanapaswa kuwa na imani na timu yao,” amesema Mgunda.

Amesema anatambua matokeo ya sare kwenye mechi ya ligi kuu dhidi ya KMC yamewachanganya wachezaji lakini mchezo wa soka ndivyo ulivyo cha msingi wanatakiwa kusahau yaliyopita na kuweka nguvu kwenye michuano hiyo.

Tayari Simba imewasili Malawi kwa ajili ya mchezo huo wa kwanza wa Raundi ya awali kufuzu Ligi ya Mabingwa Afrika.