Paula: Napenda kuitwa Princess Paula zaidi ya Mama Amara
DAR ES SALAAM: MWANAMITINDO na mtu maarufu katika mitandao ya kijamii, Paula Kajala, amesema anapendelea kuitwa Princess Paula badala ya kuitwa Mama Amara, akieleza kuwa jina hilo linaendana zaidi na namna anavyopenda kujitambulisha.
Paula amesema licha ya kuwa sasa ni mama wa mtoto, Amara, bado anafurahia kuitwa Princess Paula, jina ambalo limeendelea kuwa sehemu ya utambulisho wake katika maisha ya kijamii na burudani.
Kauli hiyo imeibua mjadala kuhusu majina na utambulisho wa wanawake baada ya kupata watoto, huku baadhi wakipendelea kuitwa kwa majina yao binafsi na wengine wakifurahia kuitwa kwa majina yanayohusishwa na nafasi yao ya umama.
Kwa upande wake, Paula anaonekana kutaka kuendelea kutambulika kwa jina la Princess Paula, licha ya jukumu lake jipya la malezi.
Ujumbe wake unaonesha kuwa kupata mtoto hakumaanishi mtu kuachana na utambulisho aliokuwa nao kabla ya kuwa mzazi.
