Zuchu awatolea nyongo Wasafi FM, Diamond
DAR ES SALAAM: MSANII wa Bongo Fleva, kutoka Tanzania Zuchu ametangaza mpango wa kuwachukulia hatua za kisheria Wasafi FM na kolabo yake ya siku nyingi na Diamond Platnumz.
Uamuzi huu umekuja baada ya sehemu iliyorushwa na Wasafi FM inayomilikiwa na Diamond ambapo watangazaji walimkejeli Zuchu kwa madai kuwa mwimbaji huyo wa ‘Naringa’ alikuwa amekata tamaa na kumshinikiza Diamond afunge nae ndoa.
Zuchu alieleza sehemu hiyo kuwa ya kudhalilisha na kudai kuwa ni kilele cha udhalilishaji wa mara kwa mara.
Katika chapisho lenye hisia kali alilochapisha kupitia mtandao wake wa Instagram mnamo Alhamisi usiku, Januari 16, 2025, Zuchu alionyesha kufadhaika kwake, akifichua kuwa Wasafi FM ilikuwa ikimlenga mara kwa mara, lakini safari hii imezidi.
Zuchu aliapa kushtaki kituo hicho na Mkurugenzi Mtendaji wake, Diamond, akikiri ushawishi wao mkubwa lakini akithibitisha azma yake ya kutafuta haki.
“Nimefikia wakati nimeamua kuandika barua ya kisheria. Siwezi kuvumilia ukandamizaji huu unaoendelea tena. Hata nikishindwa katika kesi dhidi ya chombo chenye nguvu kama hicho, nitamwachia MUNGU, hakimu mkuu,” Zuchu aliandika kwa jazba.
Zuchu pia alifichua kuwa kuendelea kuzurura na mijadala hasi kumhusu kwenye redio hiyo ya Wasafi FM kumeathiri sana afya yake ya akili.
Pia aliwakosoa watangazaji wa redio kwa kumshambulia kwa makusudi tabia yake, na kuongeza kuwa hapo awali alimwendea Diamond ili kushughulikia suala hilo, lakini wasiwasi wake ulipuuzwa.
Zuchu alimshutumu Diamond kwa kuchangia juhudi za kumharibia jina, akisema hakuna chombo chochote cha habari cha Tanzania kilichomfanyia unyanyasaji kama Wasafi FM.
“Nimekusihi kama kiongozi, lakini maombi yangu huwa hayasikii, na badala yake, maudhui zaidi yanaundwa kuharibu heshima yangu, kuniumiza na kuharibu afya yangu ya akili. Mimi ni msanii na mwanamke kijana; hakuna chombo cha habari kilichoninyanyasa jinsi kituo chako kinavyofanya. Siwezi kufanya mengi, kwani wewe una uwezo, lakini ninamwamini MUNGU kuliko yote,” alilalamika.
