Spotify yaweka rekodi ya trilioni 25
MAREKANI: KAMPUNI kubwa ya utiririshaji sauti mtandaoni ya Spotify imetangaza kwamba imelipa rekodi ya dola za marekani zaidi ya bilioni 10 kwa tasnia ya muziki mwaka wa 2024.
Makamu Mkuu wa Spotify na Mkuu wa Biashara ya Muziki, David Kaefar, amefichua kwamba malipo ya hivi punde ni sehemu kubwa ya karibu dola bilioni 60 ambazo Spotify imetoa tangu kuanzishwa kwake.
“Mnamo 2014, mapato ya muziki yaliyorekodiwa ulimwenguni yalifikia chini ya dola 13 bilioni, huku Spotify ikichangia karibu dola bilioni1 wakati huo.
Hapo zamani, tulikuwa na watu wanaolipa milioni 15 pekee,” Kaefar alibainisha. “lakini kwa haraka mwaka 2024 tumelipa rekodi ya dola 10 bilioni kwa mwaka mmoja.”
Huku zaidi ya watu milioni 500 duniani kote sasa wakifuatilia huduma za utiririshaji muziki, na lengo likiwa ni kufikia wasikilizaji bilioni 1 wanaolipa.
Kaefar amesema: “Muongo mmoja uliopita, takriban wasanii 10,000 walikuwa wakitengeneza angalau dola10,000 kwa mwaka kutoka Spotify.
Leo, zaidi ya wasanii 10,000 wanazalisha zaidi ya dola 100, kila mwaka kutoka Spotify pekee.”
Kaefar alirejelea zaidi ripoti za tasnia ili kuonyesha jukumu la kipekee la Spotify katika uchumi wa utiririshaji.
Amesema kwa mujibu wa ripoti ya Shirikisho la Kimataifa la Sekta ya Fonografia (IFPI) mwaka jana, Spotify imechangia takriban theluthi moja ya mapato ya utiririshaji yaliyorekodiwa duniani.
Walakini, utafiti wa hivi majuzi wa Utafiti wa MIDiA unaozingatia lebo na wasambazaji huru uligundua kuwa Spotify inawakilisha zaidi ya nusu ya mapato yote ya utiririshaji kwa wasanii.
