Mwanariadha aliyekimbia mita 100 sekunde 10 afariki

MWANARIADHA raia wa Marekani Jim Hines amefariki dunia akiwa na umri wa miaka 76.

Hines alipata umaarufu kwa kuwa mwanaridha wa kwanza kuweka rekodi ya kukimbia mita 100 kwa sekunde 10.

Alivunja rekodi hiyo mwaka wa 1968 alipokimbia sekunde 9.9 katika michuano iliyofanyika Marekani.

Hines kisha akavunja rekodi yake mwenyewe muda mfupi baada ya kushinda medali ya dhahabu kwenye Olimpiki ya 1968.

Rekodi yake ilidumu kwa karibu miaka 15 hadi Calvin Smith alipokimbia muda wa sekunde 9.93 mwaka wa 1983.

Kifo chake kilitangazwa katika taarifa ya Riadha za Dunia. Shirika hilo lilisema “limehuzunishwa sana” na habari hiyo.