Mwanamuziki aonesha alivyopunguza kilo 120 kutoka 230
MALDIVES: MWANAMUZIKI Adnan Sami alipokuwa na kilo 230 madaktari wake walimpa onyo kwamba ikiwa ataendelea na mtindo wake wa maisha, atakufa baada ya miezi sita.
Kufuatia kauli hiyo, alienda kwenye duka la mikate na akala nusu ya bidhaa zao.
Sami alikuwa na uzito wa kilo 230 alipoanza safari yake ya kupunguza uzani.
Katika mahojiano na India TV, Adnan alitazama nyuma katika safari yake ya uzito na mazungumzo ya kihisia na baba yake.
Adnan amesema, “Madaktari waliniambia kuwa matokeo yangu yapo kwenye mpaka, wakasema, ‘Kama nitaendelea na mtindo huu wa maisha, sitashangaa wazazi wangu wakanikuta nimekufa kwenye chumba cha hoteli miezi sita kutoka sasa. Ilikuwa ni mshtuko mkubwa kwangu, lakini nilikasirika kwa sababu alisema hivyo mbele ya baba yangu. Nilimwambia baba ampuuze daktari kwa kuwa wana tabia ya kuropoka.”
Mwimbaji huyo alisema mtindo wake wa maisha wakati huo haukumsaidia kupunguza uzito. Aliongeza, “Baada ya kumtembelea daktari, nilienda moja kwa moja kwenye duka la kuoka mikate na kula nusu ya bidhaa zao.
“Nilikuwa mzito sana sikuweza kulala chini ilibidi nilale nikiwa nimeketi kwa miaka mingi. Siku moja niliyomuona baba yangu akitokwa machozi kwa sababu ya hofu juu yangu niliahidi kupunguza uzito nikapungua kilo 120, wengi walidhani nilifanya upasuaji kumbe mtaalamu wangu wa lishe alinipa chakula chenye protini nyingi, ukiondoa sukari, pombe, wali, mkate, pombe na mafuta,” amesema.
Adnan, ambaye alijipatia umaarufu nchini India na wimbo wake ‘Lift Karadey’ mwaka wa 2000, alipata mabadiliko makubwa ya kupunguza uzito. Mnamo 2022, Adnan alishiriki picha chache kutoka kwa familia yake huko Maldives, na “mwonekano wake mpya” ulifanya watu wasumbuke na mashabiki wakishangaa.
