Mastaa wa Afrika washirikishwa albamu ya Mzimbabwe, ‘The Producer’s Album 2’
HARARE: MIAKA kumi tangu albamu ya kwanza ‘The Producer’s’ itoke ndiypo DJ na mtayarishaji mahiri wa muziki Zimbabwe St. Emmo ameamua kurudi upya na albamu yake mpya aliyopiita ‘The Producer’s Album 2’, ikiwa ni muendelezo wa albamu yake ya kwanza.
Ndani ya miaka 10 Dj huyo na mtayarishaji maarufu wa muziki amesema ameamua kuachia albamu hiyo baada ya kuwashirikisha wasanii mbalimbali wa afrika ambao alitamani kufanyakazi nao.
Albamu hiyo imetoka sambamba na video ya wimbo wake kinara, ‘Faded’, aliomshirikisha mwanabass Josh Meck. Video hiyo, iliyoongozwa na Director Teekay, inamchanganyiko wa uchezaji na ubunifu wa kisanii.
Albamu yake ya kwanza ofauti na albamu yake ya mwaka 2012 ambayo iliandaliwa sana Afrika Kusini, safari hii St. Emmo alirudi nyumbani na kurekodi albamu yote nchini Zimbabwe. Mradi huo umejumuisha wasanii wakubwa wa ukanda huo akiwemo Jah Prayzah, Gemma Griffiths, Sylent Nqo na Josh Meck.
“Hii albamu ni shukrani kwa mashabiki wangu wa nyumbani. Nilitaka kunasa hisia, urithi, midundo na kuyawasilisha kwa namna yenye mvuto wa kimataifa kwa Wazimbambwe wote wamenda muziki.” Alieleza St. Emos.
Kimtindo, albamu hii ni ya kipekee na yenye malengo makubwa kwa St. Emmo kwani ameunganisha muziki wa zamani miaka ya 70, midundo ya kiafrika na mitindi ya kisasa inayojenga mandhari ya sauti yenye utamu wa zamani na ubunifu wa siku zijazo.
Wachambuzi wa muziki tayari wametaja albamu hii kuwa moja ya kazi kubwa zaidi za kujitegemea nchini Zimbabwe mwaka huu.
