Mashabiki 11 wafariki baada ya kukanyagana kwenye fainali ya Kriketi
INDIA: AFISA wa ngazi ya juu katika jimbo la Kerala nchini India amesema watu 11 wamefariki dunia na 33 wamejeruhiwa baada ya kukanyagana kwenye uwanja wa michezo katika mji wa Bengaluru.
Mashabiki hao wamefariki wakiwa miongoni mwa mashabiki waliokuwa wakishanagilia ushindi baada ya timu yao Royal Challengers Bengaluru kuibuka na kombe katika mechi ya fainali ya ligi kuu India dhidi ya Punjab Kings ambapo mashabiki hao walifariki wakiwa katika mchanganyiko wa watu nje ya uwanja wa kriketi huko Bengaluru, mji mkuu wa jimbo la Karnataka kusini mwa India.
Timu hiyo ilikuwa imeshinda mechi hiyo siku iliyotangulia katika mji wa magharibi wa Ahmedabad, na mashabiki walikuwa wakisherehekea.
Waziri Mkuu wa jimbo la Karnataka, Siddaramaiah, ambaye anatumia jina moja pekee, alisema umati ulijaribu kuvunja milango ya uwanja huo ili kujiunga na mashabiki waliokuwa wakishsrehekea ndani ya uwanja huo ndipo wakakanyagana na kusababisha vifo vya watu hao 11.
“Wakati wa kusherehekea, tukio hili la bahati mbaya halikupaswa kutokea. Tunasikitishwa na hili,” aliwaambia waandishi wa habari. “Hakuna aliyetarajia umati huu.”
Naibu waziri mkuu wa jimbo la Karnataka, D.K. Shivakumar, aliliambia shirika la habari la AFP kwamba polisi wamepata udhibiti wa watu.
“Ninaomba msamaha kwa watu wa Karnataka na Bengaluru,” amesema. “Tulitaka kufanya maandamano, lakini umati haukuweza kudhibitiwa … umati ulikuwa mkubwa.”
