Simba yatoa msaada, Kaduguda akoshwa na umoja

DAR ES SALAAM: TAASISI ya Mo Dewji kwa kushirikiana na Simba SC imetembelea na kutoa msaada katika Kituo cha Kulelea Watoto Yatima cha Al-Zam kilichopo Temeke, Dar es Salaam, ikiwa ni sehemu ya kuendeleza wajibu wao kwa jamii.

Simba inafanya tukio hilo kuelekea mchezo wa Ligi ya Mabingwa Afrika hatua ya makundi dhidi ya Petro Atletico ya Angola utakaochezwa Jumapili.

Aidha, Katibu Mkuu wa zamani wa klabu hiyo, Mwina Kaduguda, amesema anafurahia kuona amani ndani ya klabu hiyo imerejea na sasa kuna Umoja.

“Kuanzia sasa “tutakuwa kitu kimoja kuelekea mechi zote zilizo mbele, akianza kuipa nguvu timu inapoelekea katika mchezo huo.

Akizungumza Dar es Salaam Kaduguda alisema hawezi kuisaidia Simba akiwa nje ya mfumo wa klabu, akisisitiza kuwa nguvu yake itakuwa na tija zaidi akiwa ndani.

Amesisitiza kuwa umoja, mshikamano na upendo ndivyo vitakavyoirudisha Simba kwenye matokeo na mafanikio wanayoyataka.

Katika hatua nyingine Msemaji wa Simba Ahmed Ally amewaomba mashabiki kujitokeza kwa wingi kuisapoti timu hiyo katika mchezo utakaochezwa kwenye Uwanja wa Benjamin Mkapa Dar es Salaam