Mwenda ni kijani na njano

DAR ES SALAAM: KLABU ya Yanga imethibitisha kumsajili beki wa pembeni wa Singida Black Stars Israel Mwenda kwa mkataba wa miezi sita.

Baada tetesi za muda mrefu hatimae Yanga wamemtambulisha rasmi beki huyo na ataanza kazi baada ya dirisha dogo la usajili kufunguliwa Desemba hii, ikiwa sehemu ya kuimarisha kikosi cha timu hiyo.

Kwa mujibu wa Ofisa habari wa Singida Black Stars, Hussein Massanza amekiri kuwepo kwa makubaliano na Yanga juu ya beki huyo kujiunga na mabingwa watetezi wa Ligi Kuu Tanzania Bara kwa mwaka mmoja.

“Ni kweli tumekuwa na mazungumzo pande zote mbili na kukamilika na sasa Mwenda ni mchezaji halali wa Yanga ambaye tayari wamemtambulisha,” amesema.

Masanza amesema mbali na nyota huyo lakini pia wamepokea maombi kutoka klabu zingine kuhitaji huduma ya baadhi ya wachezaji.