King Mwajobaga ashinda mkanda wa IBA Tunisia

TUNIS: Bondia wa Timu ya Taifa ya ngumi “Faru weusi wa Ngorongoro” King Lucas Mwajobaga ameibuka na ushindi wa kibabe dhidi ya Liduema Elder kutoka Angola katika mapambano ya kwanza ya semi-pro ya usiku wa Solidarty & Fratenity Boxing Gala (Mshikamano na Udugu) katika uwanja wa ndani wa Ammar Dakhlaoui, Tunis, Tunisia.

Katika pambano hilo la uzani wa Light Welterweight kilo 63.5, King Lucas aliibuka kwa ushindi wa majaji wote watatu na kuondoka na mkanda.

“Tumefungua mwaka vizuri kwa kuliheshimisha Taifa letu Kimataifa na ushindi huu wa mkanda wa Afrika wa mshikamano na udugu ni zawadi tosha kwa Amiri Jeshi Mkuu na Rais wa Jamhuri ya Muungano wa Tanzania Dk Samia Suluhu Hassan kutoka kwa Askari wake King Lucas”_ alinukuliwa Rais wa Shirikisho la Ngumi Tanzania (BFT) Lukelo Willilo, ambae ameambatana na bondia nchini Tunisia.

King Lucas na Mwalimu wake Samwel Kapungu “Batman” wanatarajia kuanza safari ya kurejea nchini Tanzania leo Jumamosi kwa usafiri wa Shirika la ndege la Uturuki (Turkish Airways) kupitia Istanbul, Uturuki na kuwasili Dar es salaam siku ya Jumapili saa 9 usiku