Africa

Job: Yanga tuko tayari kuivaa Far Rabat

ZANZIBAR: NAHODHA wa Yanga SC, Dickson Job, amewataka mashabiki wa timu hiyo kujitokeza kwa wingi kesho kwenye Uwanja wa Amaan, Zanzibar, wakati mabingwa hao wa kihistoria wakipambana na FAR Rabat ya Morocco kwenye mchezo wa hatua ya makundi ya Ligi ya Mabingwa Afrika.

Job amesema wachezaji wote wako tayari kupambana na kuhakikisha wanapata matokeo, akisisitiza kuwa presha au mazingira ya mchezo hayawezi kuwazuia kufanya vizuri ikiwa kila mmoja atatimiza wajibu wake.

“Wazee wangu njoeni kesho mmuone Prince Dube mpya. Kama wachezaji tuko tayari kupambana na FAR Rabat, kikubwa ni kufanya vizuri na kupata matokeo. Haijalishi tumekuwa katika hali gani, kama timu kubwa lazima tupambane,” amesema Job.

Nahodha huyo amesisitiza kuwa uwepo wa mashabiki ni sehemu muhimu ya mafanikio yao, hivyo amewaomba kujitokeza kwa wingi kuwapa nguvu katika mchezo huo muhimu.

Yanga inahitaji ushindi kuhakikisha inaendelea vizuri katika kampeni zake za kusaka nafasi ya kufuzu hatua ya robo fainali ya michuano hiyo mikubwa barani Afrika.

Related Articles

Check Also
Close
Back to top button