Babu yake Ranveer Singh afariki dunia
INDIA: FAMILIA ya mwigizaji maarufu wa Bollywood, Ranveer Singh, imepata pigo kufuatia kifo cha babu yake, Dk. Ram Hingorani, aliyefariki dunia akiwa na umri wa miaka 96.
Taarifa za familia zinaeleza kuwa Dk. Hingorani alifariki dunia siku ya Diwali, moja ya sikukuu muhimu za kidini nchini India, huku kifo chake kikiibua huzuni miongoni mwa ndugu na watu wa karibu.
Kifo hicho kimekuwa pigo kwa Ranveer Singh na familia yake, ambao wameondokewa na mtu muhimu katika maisha yao ya kifamilia.
Dk. Ram Hingorani alikuwa sehemu ya historia ya familia ya mwigizaji huyo, ambaye ni miongoni mwa nyota wakubwa wa tasnia ya filamu ya Bollywood.
Taarifa za kifo chake zimepokelewa kwa masikitiko na mashabiki wa Ranveer Singh, ambao wameendelea kutoa salamu za pole kwa mwigizaji huyo na familia yake.
Ranveer Singh, anayefahamika kwa filamu mbalimbali zilizompa umaarufu nchini India na kimataifa, anaendelea kupokea faraja kutoka kwa mashabiki na wadau wa tasnia ya burudani kufuatia msiba huo.
