DAR ES SALAAM, Chamazi: YANGA imeibuka na ushindi wa mabao 4-0 dhidi ya CFFA, lakini bado inakabiliwa na changamoto ya kutumia vizuri nafasi za kufunga mabao baada ya kutengeneza nafasi nyingi katika mchezo huo.
Yanga ilipata nafasi 20 za kufunga, lakini iliweza kuzitumia nne pekee, hali inayoonesha kuwa bado kuna kazi ya kufanya katika kuboresha umaliziaji wa washambuliaji wake.
Licha ya ushindi huo wa mabao manne, kocha wa timu hiyo Manqoba Mngqithi, amebainisha kuwa kuna kazi kubwa ya kurekebisha wachezaji katika eneo la ufungaji ili waweze kutumia vizuri nafasi wanazozipata.
Changamoto hiyo inaweza kuwa kikwazo kwa timu hiyo katika michezo ijayo iwapo washambuliaji hawatakuwa makini wanapofika mbele ya lango la wapinzani.
Kwa upande mwingine, ushindi huo unaipa Yanga nafasi nzuri ya kujiandaa na mchezo wa marudiano huku ikitarajiwa kuendelea kuimarisha kiwango chake na kutafuta matokeo mazuri.
Yanga inatarajiwa kucheza mechi ya marudiano dhidi ya CFFA Oktoba 21, saa 1:00 usiku, katika Uwanja wa Azam Complex, Chamazi.
Katika mchezo huo, macho yatakuwa kwa washambuliaji wa Yanga kuona kama wataweza kuboresha umaliziaji wao na kutumia kwa ufanisi nafasi zitakazojitokeza.
