Iniesta aimiliki kikamilifu Israel-Premier Tech

BARCELONA: TIMU ya baiskeli ya Israel-Premier Tech sasa itajulikana kama NSN Cycling Team baada ya kununuliwa na kampuni ya michezo na burudani, Never Say Never, iliyoanzishwa na nyota wa zamani wa Barcelona na Hispania, Andrés Iniesta.

Timu hiyo yenye leseni ya Israel imekuwa ikikumbwa na ukosoaji mkubwa katika mashindano mbalimbali mwaka huu, hatua iliyochangia Premier Tech kujiondoa kama mmmiliki mwenza mapema mwezi Novemba.

Katika taarifa iliyotolewa Alhamisi, timu hiyo ilisema NSN imeungana na Stoneweg jukwaa la uwekezaji lenye makao yake Geneva, Uswisi na chapa mpya itasajiliwa nchini Uswisi huku shughuli nyingi zikiendeshwa kutoka Barcelona na Girona.

Taarifa hiyo imeongeza kuwa:

“NSN Cycling Team na NSN Development Team watakutana wiki ijayo kwa kambi ya maandalizi ya msimu na watazindua mwonekano wao mpya pamoja na ratiba ya mashindano katika wiki zijazo.”

Mwaka huu, Israel-Premier Tech waliondolewa kwenye Giro dell’Emilia Septemba kutokana na sababu za kiusalama, baada ya vurugu zilizotokea kwenye Vuelta a España kufuatia malengo ya waandamanaji wanaounga mkono Palestina kupinga vita vya Gaza.

Timu hiyo iliondoa jina lake kamili kwenye jezi za waendesha baiskeli wakati wa Vuelta, na mwezi Oktoba ilitangaza kuwa itapeleka mbele utambulisho usiohusishwa moja kwa moja na Israel baada ya zaidi ya muongo mmoja