Dola milioni 7 zachangishwa kusaidia waathirika wa moto Los Angeles
LOS ANGELES: UONGOZI wa Tuzo za Grammy zinazotolewa kila mwaka na National Academy of Recording Arts & Sciences ya nchini Marekani kwa ajili ya kazi zilizopata mafanikio makubwa katika soko la muziki umeweka wazi kwamba umechangisha dola milioni 7 kutokana na michango kutoka kwa watazamaji waliokuwa wakiitazama sherehe hiyo majumbani.
Fedha hizo zimechangishwa kwa ajili ya walioathiriwa na janga la moto huko Los Angeles, na mtangazaji Trevor Noah aliyekuwa mtangazaji wa jambo hilo alibainisha kiasi hicho cha fedha kuchangwa wakiwa ndani ya ukumbi huo wa Crypto.com Arena huko Los Angeles.
Msimbo wa QR wa kuchangia ulionekana mara kwa mara wakati wa matangazo, na mcheshi alikuwa amebainisha hapo awali kuwa pia ilikuwa kwenye meza ambapo wageni katika ukumbi huo waliokuwa wameketi.
Sherehe hizi za ugawaji wa tuzo hushirikisha wasanii mashuhuri na wale chipukizi na baadhi ya tuzo zao huwa maarufu na huoneshwa katika runinga televisheni nyingi nchi nzima.
Pesa hizo zitatolewa kwa hazina ya MusiCares Fire Relief, huku mpango wa Chuo cha Kurekodi ukishirikiana na mashirika kadhaa ya eneo hilo kusaidia waathiriwa wa moto huo.
