Washington, Jolie, wamo Tuzo za Golden Globes

NEW YORK: TUZO za 82 za Mwaka za Golden Globes zinatarajiwa kutolewa Jumapili ya Januari 5 ikiwa na majina makubwa ya wacheza filamu walioshiriki tuzo hizo akiwemo Denzel Washington, Angelina Jolie, Ariana Grande, Zendaya na wengineo wengi.

Katika tuzo hizo pia kutakuwa na utoaji wa tuzo kwa muigizaji Viola Davis ambaye atatunukiwa Tuzo ya Cecil B. DeMille, akiigiza katika majukumu ya nguvu kutoka filamu ya ‘Fences’ hadi ‘The Woman King.’

Muigizaji huyo amejishindia sifa lukuki katika filamu ya ‘The Help’, ‘Ma Rainey’s Black Bottom’ na ‘Doubt’, huku akiwavutia watazamaji wa TV kupitia tamthilia ya kusisimua ya kisheria ‘How to Get Away with Murder.’

Tuzo la DeMille imetolewa kwa wenye vipaji 69 kutoka Hollywood. Wapokeaji wa awali ni pamoja na Tom Hanks, Jeff Bridges, Oprah Winfrey, Morgan Freeman, Meryl Streep, Barbra Streisand na Sidney Poitier.

Uteuzi wa hafla ya 82 ya tuzo hizo ulifanywa mwezi uliopita ambapo katika uteuzi huo, Denzel Washington ndiye mwigizaji Mweusi aliyeteuliwa zaidi kwenye tuzo hizo za Globes akiwa ameteuliwa mara 11.

Muigizaji Steve Martin aliteuliwa kwa mwaka wa nne mfululizo katika kitengo cha Muigizaji Bora wa Televisheni kupitia filamu ya ‘Only Murders in the Building.’ Uteuzi huo unakuwa wa tisa kwa jumla na unaweza kuwa ushindi wake wa kwanza kabisa wa tuzo za Globes.

Waigizaji wengine 26 walioteuliwa kwa mara ya kwanza, wakiwemo Grande, Dakota Fanning, Glaser, Seth Meyers, Zoe Saldaña na Pamela Anderson ambao kwa kushangaza walipata node ya ‘The Last Showgirl.’

Stan, Kate Winslet na Selena Gomez wote wameteuliwa mara mbili. Gomez anawania Uigizaji Bora wa Mwigizaji wa Kike Msaidizikupitia filamu ya ‘Emilia Perez’ na Utendaji Bora wa Mwigizaji wa Kike katika Kipindi cha Muziki cha Televisheni au Vichekesho kwa filamu ya ‘Only Murders in the Building.’

Winslet ameteuliwa kwa Utendaji Bora na Mwigizaji wa Kike katika Tamthilia ya ‘Lee’ na Utendaji Bora wa Mwigizaji wa Kike katika Mfululizo wa Anthology mdogo kwa Televisheni filamu ya ‘Regime.’

The Globes ndio sherehe kuu ya kwanza ya msimu wa tuzo kwa mwaka huu wa 2025. Ushindi wa Globes unaweza kusaidia kukuza kasi ya filamu au kampeni ya tuzo za Oscar.