Man City yampeleka Alvarez Atletico Madrid
MANCHESTER: Mabingwa watetezi wa ligi kuu ya England Manchester city wamethibitisha kumuuza mshambuliaji wao Julian Alvarez anayeelekea kwa wababe wa Laliga Atletico Madrid kwa Euro milioni 75 na nyongeza ya Euro milioni 20
Alvarez ambaye amekuwa sehemu kubwa ya mafanikio ya klabu hiyo akiwa sehemu ya kikosi kilichotwaa treble pamoja na kuweka rekodi ya kutwaa ubingwa wa ligi kuu ya England mara 4 mfululizo ikiwa ni timu pekee kufanya hivyo katika historia ya ligi hiyo pendwa duniani amesaini mkataba wa miaka hadi 2031.
Katika chapisho la mtandao wa Instagram Alvarez amewaaga mashabiki wa City akiandika
“Leo ninajawa na hisia kali na uchungu mkubwa kuiaga klabu hii bora. Imekuwa miaka miwili bora sana nikiwa hapa nimejifunza mengi kama mchezaji na kama mtu” amesema
“Daima Manchester City ina sehemu maalum sana moyoni mwangu. Nawaatakia kila lililo jema, nitaendelea kuwaunga mkono popote nitakapokuwa” alimaliza
Taarifa iliyotolewa na klabu hiyo imemtakia kila la kheri katika maisha yake mapya nchini Hispania
Mshindi huyo wa Kombe la dunia na Copa America mwenye miaka 24 alijiunga na Manchester City mwaka 2022 akitokea River Plate na amecheza michezo 103 katika mashindano yote akifunga mabao 36. Alvarez ameshinda ligi kuu ya England, Ligi ya mabingwa barani Ulaya, UEFA super cup na kombe la dunia la vilabu
Uhamisho huu wa Alvarez unazima tetesi za muda mrefu za mshambuliaji huyo kutimka manchester City kutokana na kukosa uhakika wa kuanza katika kikosi cha kwanza cha Pep Guardiola.
