Miss World 2025 Opal kuingia kwenye filamu za Kihindi
THAILAND:MISS World 2025 Opal Suchata, ambaye anatokea Thailand, amesema kuwa angependa kufanya kazi Bollywood kama itatokea fursa ya kufanya hivyo.
Akizungumza na shirika la habari la ANI, kuhusu ziara yake ya India amesema hakika atarudi tena India pia aliishukuru serikali ya Telangana kwa kutoa malazi bora zaidi na kuturuhusu kuwa na wakati mzuri kama huo.
Opal amesema, “Ninajisikia furaha na fahari sana. Ni heshima kupeleka taji la kwanza la Miss World hadi Thailand… Natumai nimewafanya wajivunie…Nikipata fursa hiyo, ningependa kuigiza katika filamu za Bollywood; ni fursa nzuri sana…”
Opal amesema: “Ilikuwa ya kushangaza. Tangu siku ya kwanza nilipokuwa hapa, kila mtu amekuwa mzuri sana.. watu ni wazuri, wamekuwa wa ajabu sana kwangu na tulienda sehemu nyingi sana.. zote ni nzuri sana.. iwe ni miundombinu au asili.. ni nzuri kuwa hapa na hakika nitarudi tena.”
Akitoa shukurani zake kwa mipango yote iliyofanywa na serikali, aliongeza, “Napenda kuishukuru serikali ya Telangana na watu wote hapa kwa kutupatia malazi bora na kutuwezesha kuwa na wakati mzuri nyumbani kwako.”
