Ronaldo azua gumzo X, kuondoka Al Nassr
SAUDIA: UJUMBE wa mchezaji wa Al-Nassr ya Saudia, Cristiano Ronaldo aliouandika katika ukurasa wake mtandao wa X umezua hisia tofauti kwa mashabiki wa klabu hiyo huku wengi wao wakihisi kwamba wanaagwa na mwamba huyo.
Ujumbe huo unasomeka hivi: “Asante kwa wote,” aliandika Ronaldo.
Wajuzi wa mambo wanasema maneno hayo ya Ronaldo yanakuja wakati mkataba wake na klabu hiyo ya Saudia ukikaribia kumalizika msimu huu wa joto na ujumbe huo umechochea uvumi kuhusu uwezekano wa kuondoka kwake katika klabu hiyo.
Mtandao wa PUNCH Online umeripoti kwamba huenda kauli ya Ronaldo inahusishwa na mpambano muhimu wa Ligi ya Saudia na kupotea kwa matarajio ya Al – Nassr kufuzu Ligi ya Mabingwa ya AFC baada ya kufutika jana Mei 26, 2025 kutokana na kipigo cha 3-2 kutoka kwa Al Fateh.
Katika mechi hiyo Cristiano Ronaldo alifunga bao lake la 25 msimu huu, na kufikisha mabao 99 kwa Al-Nassr, lakini juhudi zake hazikutosha kuivusha timu hiyo kwenye Ligi ya Mabingwa.
Kwa maana Al Hilal alishinda dhidi ya Al Qadsiah na kuiondoa Al-Nassr kwenye mchuano hiyo huku Tumaini lao lililosalia la mashindano ya bara linategemea Al Ittihad ashinde Kombe la Mfalme, ambalo lingeipa Al-Nassr nafasi katika mashindano ya sekondari ya AFC.
Kushindwa huko kunaashiria kurudi nyuma kwa Ronaldo na timu yake, ambao sasa wanategemea njia isiyo na uhakika ya kusonga mbele Kwa maana Al Hilal alishinda dhidi ya Al Qadsiah na kuiondoa Al-Nassr kwenye mchuano hiyo jambo ambalo linaashiria kurudi nyuma kwa Ronaldo na timu yake.
Ronaldo amewahi kucheza Sporting CP, Manchester United, Real Madrid, Juventus, na Al-Nassr, pamoja na timu ya taifa ya Ureno. Mafanikio yake ya sasa ni kufikisha mabao 900 ya taaluma na kucheza mechi yake ya 1,200 ya kulipwa, yanaangazia athari yake ya kudumu kwenye mchezo.
Wakati Ronaldo amewahi kutumia lugha kama hiyo kuashiria mabadiliko katika soka, ujumbe wa sasa unawaacha mashabiki na wachambuzi wakiwa na hamu ya kuona ni wapi safari yake itaelekea atastaafu ama atahamia timu nyingine?
Iwe ni kurejea kwa soka la Ulaya, kushiriki katika Kombe lijalo la Dunia la Vilabu, au ubia mwingine, ulimwengu wa soka unasubiri hatua yake inayofuata, kama Ronaldo mwenyewe anavyosema, “Hadithi? Inaendelea kuandikwa.”
Wakati huo huo, Ronaldo na Al-Nassr bado hawajaeleza kuhusiana na mkataba mpya wa mchezaji huyo ama wataachana naye.
