Dar City yanusa fainali za ligi ya kikapu Afrika
NAIROBI: KLABU ya Dar City imeweka historia mpya baada ya kutinga hatua ya nusu fainali ya michuano ya kufuzu Fainali za Ligi ya Afrika, kufuatia rekodi ya ushindi katika michezo yake yote mitatu ya Kundi B.
Katika mchezo wa kwanza, Dar City ilianza kwa kishindo baada ya kuichapa Matera Magic kwa pointi 85–78, kabla ya kuendeleza ubabe kwa kuilaza Brave Hearts kwa 93–75.
Timu hiyo kutoka Tanzania ilikamilisha hatua ya makundi kwa ushindi mwingine muhimu dhidi ya Ferroviario kwa 87–78, na kujihakikishia nafasi kileleni mwa kundi.
Kutokana na matokeo hayo, Dar City sasa inasubiri kukutana na timu itakayomaliza katika nafasi ya pili kwenye Kundi B, pambano litakalokuwa na ushindani mkubwa kutokana na ubora uliooneshwa na kikosi hicho tangu mwanzo wa mashindano.
Dar City iwapo itafanya vizuri katika hatua hiyo ya nusu fainali basi itakuwa ni miongoni mwa timu tatu zitakazowakilisha kwenye fainali za ligi ya kikapu Afrika zitakazofanyika Kigali, nchini Rwanda mwakani.
