Njozi ilivyoweka matatani penzi la Marioo, Paula

DAR ES SALAAM: MREMBO Paula, ambaye ni mama wa mtoto wa msanii wa muziki Omary Mwanga maarufu kama Marioo, amefunguka kuhusu ugomvi uliotokea kati yake na msanii huyo kutokana na video ya wimbo wa “Njozi”.

Paula hakupendezwa na baadhi ya vipande vya video hiyo, ambavyo vilimuonesha Marioo akiwa karibu sana na video vixen  kwenye video hiyo.

“Ni kweli tuligombana kidogo kwa sababu sikupendezwa na baadhi ya scenes kwenye ile video. Nilihisi kama zilikuwa za kimahaba kupita kiasi,” amesema Paula.

Hata hivyo, ameongeza kuwa kwa sasa mambo yako sawa na amejifunza kukubaliana na hali halisi ya kuwa katika mahusiano na msanii maarufu.

“Ukichagua kuwa na msanii, ni lazima ukubaliane na kazi yake na kila kinachokuja nayo. Siyo rahisi, lakini ni sehemu ya maisha yake ya kazi,” amesema Paula